Главная » 2014 » Ноябрь » 20 » Николаевские чтения
18:51
Николаевские чтения

Сэтинньи 15 күнүгэр Х.М.Николаев аатынан Өлөөн орто оскуолатыгар сылын аайы ыытыллар эдэр ааҕааччылар күрэхтэрэ Николаевскай ааҕыылар ыытылыннылар. Сылтан сыл аайы өйтөн хоһоон ааҕар оҕо ахсаана элбээн иһэрэ киһини үөрдэр. Ол курдук быйыл 60 оҕо кытынна. Балаһыанньа быһыытынан төрөөбүт дойду туһунан өйтөн хоһоонноохтук ааҕыы, бэлэмнэнии ирдэниллэр. Ол курдук хоһоону өйтөн, уобараска киирэн, итэҕэтиилээхтик ааҕыы учуоттанан сыаналанна. Дьүүллүүр сүбэ чилиэннэринэн уопуттаах учууталлары кытта эдэр учууталлар, төрөппүт комитетыттан уонна былырыыҥҥы ааҕыы кыайыылаҕа, Гладкин Альберт, сыаналаатылар. Барыта биэс группаҕа араарыллан, ааҕыы конкурса бэрт тыҥааһыннаахтык ааста. Саамай элбэх кыттааччы- алын сүһүөх кылаас о5олоро - 28 үөрэнээччи кытынна. Бу группаҕа көрөөччү да, төрөппүт да элбэҕэ киһини үөрдэр. Ол курдук төрөппүт оҕотун кытта тэҥҥэ оскуолаҕа сылдьан, учууталларга улахан көмө буолар, кини оҕотун дьоҕура сайдарыгар кыһалларын бэлиэтэ буолар. Онон түгэнинэн туһанан алын сүһүөх кылаас төрөппүттэригэр улахан махталбытын тиэрдэбит. Түмүккэ кыайыылаахтарынан таҕыстылар: 1 миэстэни – Протодьяконов Никифор (2кл), Павлов Дима, Николаева Таня (3кл) “Өлөөн уота күлүмнүүр”, Егорова Маша (3кл) “”Наша Якутия”, Иванова Ньургуяна (4кл) “Төрөөбүт буор таптала”; 2 миэстэни – Николаев Давид (1кл) “Что мы Родиной зовем?”, Степанов Эрнест (1кл) “Северное сияние”, Васильева Арина (3кл) “Мой русский язык”; 3 миэстэни – Караваев Костя (1 кл) “Дойдум Өлөөн барахсан”, Мацеплюк Алеша (4 кл) “Коль я забуду я речь родную” ыланнар кыайыылаахтарынан ааттаннылар. Бу ааҕыыларга бэйэбит төрөөбүт эбэҥкибит тылынан хоһоону аахпыт 4 кылаас үөрэнээччилэригэр Кулуков Закирга уонна Мацеплюк Алеша5а туспа анал грамота туттарыллар. Ити кэнниттэн 3 группаҕа 5-6 кылаас о5олоро, 4 группа5а – 7-8 кылаастар, 5 группаҕа – 9-11 кылаас оҕолоро кытыннылар. Бу группаларга уопсайынан 32 ааҕааччы кытынна. Кыайыылаахтарынан ааттаннылар: 1 миэстэни – Кривогорницына Кристина (6кл) “Гордость моя!“, Иванова Есения (8кл) “Край России” уонна Иванова Саина (9кл) “Солнечный камень”, 2 миэстэни – Меркурьев Уолан (8кл) “Оленек”, Алексеева Айыына (8кл) “О Родине”, Федорова Прасковья (11кл) “Россия”, 3 миэстэни – Симонов Юра (5 кл) “Зимний вечер”, Комбагир Валентин (5кл) “О Родине, тодько о Родине”, Васильева Арина (6кл) “Туундарам сайына”, Афанасьева Дуся (7кл) “Якутия – родина моя”, Степанова Симона (11кл) “Хоту төрөөбүт буоламмын”, Данилов Арсен (11кл) “Үчугэйиэн, бу сиргэ”. Кыайыылаахтар аны саас оскуолабыт 80 сыллаах өрөгөйдөөх үбүлүөйүгэр кыттыахтара, онон кинилэргэ өссө ситиһиилэри баҕаран, ааҕыыларыгар туттан-хаптан, уобарастарын ситэрэн-хоторон, хоһоон тиэмэтин итэҕэтиилээхтик арыйалларыгар баҕарабыт. Киһи төрөөбүт дойдутунан, дьонунан-сэргэтинэн, саҥарар тылынан киэн туттар буоллаҕына, иитиллэн тахсарыгар улахан олук буолар. Ол иһин маннык ааҕыылар ыытыллаллара наадалаах. Бу ааҕыыларга сахалыы хоһоону ааҕыы, бэйэбит төрөөбүт эбэҥкибит тылынан уонна олохтоох автордар хоһооннорун ааҕыы аҕыйах. Онон инникитин итини учуоттаан, Николаевскай аа5ыылары сахалыы тылынан төрөөбүт дойдутунан, дьонунан киэн туттуу хоһооннорун, айылҕаҕа сүгүрүйүү, олохтоох автордар хоһооннорун ааҕыыларга ананыа.

Категория: Архив 2016 | Просмотров: 371 | Добавил: StuchkovaAA